Doctor in Training

呢兩日其中一個城中嘅醫療新聞熱話就一定係呢單： https://news.mingpao.com/pns/dailynews/web_tc/article/20180401/s00001/1522519257306 我從新聞[1][2]上得到嘅資訊： 1. 有個換咗肝嘅女病人A感染丙型肝炎(HCV)，繼而多重器官衰竭死亡。 2. A曾經於八月入住瑪麗醫院，同時同病房有五個丙型肝炎帶菌者。 3. 其中一個男病人B身上嘅病毒基因同病人A嘅同源 4.  抽血器被發現有血花，而血花上的確驗到有丙型肝炎病毒，而且同該兩位病人A與B 既丙型肝炎病毒同源。 老老實實， 我都係覺得現階段作出「病人係因為抽血器入面殘餘嘅病毒感染導致急性丙型肝炎」呢個結論似乎言之過早。 病人A從其他途徑感染相同嘅病毒亦有機會。 從美國CDC嘅案例[3] 來講，醫療機構內乙型或者丙型肝炎嘅爆發通常都係同以下嘅醫療程序有關：

以前上堂嘅時候，見到好多 lecturer 密密麻麻嘅唱 K 歌詞（喺醫學院我哋稱呼照 slide 讀呢個行為做唱 K），難以明白簡報嘅重點，講嘅冇癮，聽嘅又眼瞓。有時有人會用 laser pointer 當你係貓咁玩，將個紅點震下震下咁飛來飛去，隻眼都未必跟得切，仲要好驚個 laser 會射中自己。好多時候教嘅人表達唔到想教嘅嘢比要學嘅人。都要自己睇番，學習效果未必最理想。 畢咗業之後，雖然我表面上係一個醫生，但係實際上我做 presentation 多過見病人（好似係）。由入呢個專科嘅第一日，就要開始喺唔同嘅大小嘅會上面 present。由自己部門內嘅會議，到各大佬都參與嘅大會，我從唔同前輩身上學習，參考佢哋做嘅 Power Point，講嘢嘅風格。慢慢開始發現，原來要做好一個 presentation 都係一門學問。 而家我都係上網，睇書去學 presentation。一個 presentation 除咗內容結構，包裝設計之外，個講者都好重要。講嘅人同聽嘅人之間嘅溝通同埋連繫，係個 presentation 能否成功嘅重點。無論一般 iPhone 幾出色，都要一個 Steve Jobs 去 present 佢出來。一個成功嘅 presenter 就係要將佢要表達嘅思想引入觀眾嘅腦中。 "What is the most resilient parasite? Bacteria? A virus? An intestinal worm? An idea. Resilient... highly contagious. Once an idea has taken hold of the brain it's almost impossible to eradicate. An idea that is fully formed - fully understood - that sticks; right in there somewhere." - Inception (2010)

Internship - What to expect? 整咗個小小inforgraphic作為一個小小summary

【Final MB】畢咗業之後，每年我都有寫啲嘢去分享我讀書或者實習時候嘅心得。記得當年考final MB前，心情被呢份不安同緊張籠罩著，幸得 the late Professor Leung Sing Fai當時不斷安慰我哋，成為我哋喺漆黑嘅夜空上，掛住嘅一顆明亮引路嘅星星。 雖然今後我哋嘅同學仔痛失咗呢一位前輩，但係我都希望可以借用佢嘅一句 "When it is dark enough, you can see the stars." 為各位正在準備final MB嘅同學打氣。 最後，我都想借片中四位前輩考final MB同做houseman嘅經歷，證明俾大家睇，呢個難關佢哋過到，我哋過到，你哋都一定過到！ 二十年後，你都可以尋找到你嘅夢想，幫助到更多病人，共勉之！

每年嘅四月，都係醫科生慶祝成功畢業嘅時候，同時又有一批新嘅實習醫生快將成功升level做MO啦！兩年前我畢業嘅時候，對於選擇internship嘅知識真係冇乜，幸得有前輩留低嘅指南先至可以揀到一啲比較理想嘅水。上年做完houseman之際我想將呢個習俗承傳落去，所以我就做咗個survey訪問下自己圍內食嘅朋友，得到咗46個replies包括咗32個units，實在令人鼓舞。今年得到兩邊醫學院同學嘅支持下，更加進一步，reply數目多咗30%，所包括嘅unit上升至38個，所以真係十分感激各位對呢個survey嘅支持。 really no psychiatry...

IMPACT By Infection Control Branch, Centre for Health Protection Google Play Apple App Store 對醫學生或者初出茅廬嘅醫生嚟講，用藥都係一門需要下苦功嘅學問，而其中一樣最常用嘅就係抗生素，因為好多唔同嘅專科都要照顧受到唔同感染嘅病人。處理感染，及時嘅resuscitation，抗生素治療，同埋處理好感染嘅源頭，對於病人嘅嚟講係十分重要。但係咁多種唔同嘅感染，究竟開邊隻抗生素先啱？如果你唔係好熟，咁就要試下呢隻app喇！

讀書嘅時候，neuro嘅PE我覺得係為內科四大system（其餘為abdominal，cardi，respi）之中最難掌握好嘅一門學問。佢嘅難處在於唔似其他系統嘅sign通常都比較容易理解，有冇hepatomegaly，有冇murmur，有冇wheeze等等都係比較客觀嘅sign，而又相對容易interpret；而neuro就係做完一大餐exam之後，重要諗諗諗去組織究竟點樣interpret啲signs。你捉到個sign都要識脫角先有用。回想當時上某教授（佢都喺呢個blog出現過XD）嘅bedside或者lecture，每次都獲益良多，除咗學手勢，重要學諗嘢嘅方法，點樣做只係基本要求，點樣諗先係精髓所在。 今日趁年尾又差唔多要進入大直路準備考final MB嘅時間啦，又介紹一個無論student或者in practice醫生都會啱用嘅neurology app－Neuro Localizer. 簡單嚟講呢個由The University of Michigan設計嘅app就係可以俾你輸入病人嘅clinical signs／symptoms而佢會幫你推斷出病人邊度有問題。